Learn SEO in Hindi : Best Step-By-Step Guide 2018

Learn SEO in Hindi Language ke Is Article me Hum Step-by-Step Basic seo techniques aur Process ke bare me Janege.

    Aap Jante Hi Hoge ki Internet par Sabse jyada Traffic Search Engines jese Google,Yahoo, Bing etc se aata hai.

90% se jyada Log Keval Search Engines jese ki Google se hi Apni jaroorat ka content khoj lete hai.

Lekin Aaj ke samay me Kisi bhi Website ya blog Owners ke liye apni Site par Organic traffic lana yani Search Engine se Traffic lana aasan nahi hai.

Kyoki Internet par Har Din Lakho Post Publish ho rahi hai.

Aur Is Bhid me apni site ko Search Engine me Top par Lana bahut Mushkil ban jata hai.

Aapko Jankar Hairani Hogi ki,

Top Search Engines jese Google, Bing, Aol etc. ke report ke anusar-

1. Search Result me aane wali sabse pahli site par lagbhag 42% log click karte hai .
2. Search Result me Sabse Uper aane wali 10 websites par total search ka lagbhag 89% traffic chala jata hai.
3. Agle 10 result par lagbhag 4 – 5% traffic jata hai .
4. Search result ke 3rd-page par 2 -3 % traffic jata hai .
5. 5th page par 1 – 2 % Log Click karte hai.
6. Aur baki ke jitne bhi pages aur result hai un par total search ka keval 1 % ya isase bhi kam Traffic jata hai .

Is Report se ye Baat To Clear hai,

Agar Aapki Site Search Engine Result Page me aapke main keywords par Top ya First Page me Show hogi,

To website par jyada se jyada visitors aayege aur Website ko Fayda hoga .

Lekin sabki yahi problem hai ki Website ko Search Engine me Top par kaise laye aur blog par jyada Traffic kaise laye ?

Iske liye Sabse Jaroori Hai SEO

Aapki website ki Search Engine Me Position Badhane ke liye SEO Sabse Jaroori hai.

Agar Aap apni Site aur Contents par acchi tarah SEO karte hai, To Aapki website ki Position Search Engine Me Badh Jayegi .

Ab sawal aata hai ki Site ya Blog ka SEO Kaise kare ?

To Chaliye is Step-by-Step SEO Tutorial Ki Shuruaat karte hai, Jisase aapko Site par Jyada Organic Traffic lane me Aasani Hogi.

Step-By-Step SEO Tutorial in Hindi –

Aap me se Bahut se Log Beginners ho sakte hai, Isliye

Shuru se janate hai ki,

SEO kya hai ?

SEO Meaning in Hindi

SEO ka Full Form Search Engine Optimization Hai.  SEO ka matlab Esi Process aur Techniques hoti hai, jo website, Blog / webpage ko Search Engine Result Page me Top par lane me madad karti hai.

Aaj ke Samay me bade bade business SEO me Pesa kharch kar rhe hai. Kyoki sabhi dhire dhire SEO ki importance ko samzane lage hai.

SEO me Sabse Pahle Aapko ye janna Chahiye ki…

SEO ke 2 Side hote hai.

White Hat SEO aur Black Hat SEO

Step-By-Step SEO Tutorial in Hindi

White Hat SEO lambe Samay ke liye Fayda dene wali techniques hoti hai jo Search Engine ke Niyamo ka palan karti hai. Aur Yah User experience ko badhati hai

Vhi Dusri or Black Hat SEO Kisi Kam samay me Amir banane wali Fake Schemo ki Tarah hota hai, jo jitne jaldi shuru hota hai usase jaldi Khatm bhi ho jata hai.

Isake alawa Ek Aur Gray Hat SEO bhi hota hai.

Yah White Hat Seo jitna white nahi hai aur Black Hat Seo jitna bhi Black nahi hai . Ye dono ke bich me aata hai.

lekin ise bhi Black-Hat ki category me hi rakha jata hai.

Black Hat SEO techniques Users par focus na karte huye Keval aur keval Search Engine ke liye Target ki jati hai.

isme Site ko Jaldi rank karane ke liye Search Engine ke Niymo ko toda jata hai. Jiske Result me keval Spam website ban Jati hai jo Search Engine Dwara Block Kr di jati hai.

Gray Hat SEO Bhi Aage Chalkar Black Hat SEO hi Banta hai.

Isliye SEO ke liye keval White Hat SEO Techniques hi sahi tarika hai, Jo Search Engine ki guidelines ka palan karta hai.

Iske baad,

SEO Process aur Techniques ke 2 Type Hote hai,

ON-Page SEO aur OFF-Page SEO

On page SEO kya hai

ON-Page SEO me website ke under hi technical Changes kiye jate hai.

Isliye On-Page SEO ko manage karna bhi Aapke hi Control hota hai.

ON-Page SEO me Website ko Search Engine Friendly aur User experience ko badhane ke liye Design, Content, code ko optimize kiya jata hai.

OFF-Page SEO me website ke bahar ki Process aur Techniques shamil hoti hai jisme Other sites se link karana (Backlink banana) ,Social Networking , Domain Authority, Releted websites blogs etc. Par work kiya jata hai .

Dono Me se Aapki Site ke liye Sabse Jyada Jaroori Kya hai ?

OFF-SEO ya ON-Page SEO ?

Perfect SEO ke liye Dono Type ki process jaroori hai.

Kyoki,

Agr Aapka On-Page SEO kamjor hai to OFF-Page SEO karane ka koi fayda nahi hoga .

Exa. Ke liye Market me Agar koi Shop Bahar se Kafi Acchi dikh rahi hai, lekin uske under sab bekar products hai to Bahari Dikhave ka koi fayda nahi hoga .
Sabhi log Dukaan se bina kuch liye hi Jaldi Wapas nikal Jayege.

Isi Tarah,
Visitors Aapki Site par aayege aur Unhe sahi user experience nhi milega to ve aapki site se chale jayege aur
Isase aapka Bounce Rate Badh Jayega. Jo Search Engine me aapki ranking tezi se giraane ke liye Kafi hai.

Bounce Rate ka percentage yani Aapki site par ese visitors , jo kisi webpage par aate hai aur chale jate hai.

Koshish kijiye ki Aapki Site ka Bounce Rate kam rahe. Bounce Rate kam karne ka aasan tarika ye hai ki Aapka Content Best, Valuable hona chahiye. Jisase visitors aapki site par bane rahe.

On-Page SEO Techniques

Keyword Research Kare :

Keyword Research SEO ka sabse important part hai . Keyword se Search Engines ko Site ke content ke bare me pata chalata hai,

aur Search Engine aapki Website ko Sahi Queries ke result me Show karte hai.

Koi bhi Post ya Content Publish karne se pahle ek baar acchi Tarah Keyword Reserch karna Chahiye

Aur kuch acche keyword select karna chahiye jo Aap Apni post me use kare.

Iss Post me Janiye –

Basic Step-By-Step Keyword Research aur Keyword ka use kaise kare ?

Best (High Quality) Content Banaye :

Site ka Content Sab kuch Hota hai.

Jab koi User Google par kuch Search Karta hai to Google jitna ho sake use Best se Best results dikhana chahta hai.

Iska Matlab hai ki Aapka sabse pahla kaam Accha Content banana hona chahiye, Taki us par SEO Techniques Acche se kaam kare.

High Quality Content Aapko Bhid me sabse alag banata hai.

High Quality Content ka matlab ye Nahi hai ki aap Content Ko Bahut jyada lamba Khinchte rahe, Isase Quantity badhti hai Quality nahi.

Aapko Esa Content Banana hoga jo Users ko Pasand aaye aur unhe site par banaye rakhe.

Best content banana utna aasan nahi hai, iske liye aapko apni category field ka accha knowledge hona jaroori hai.

Lekin Koshish kijiye ki Aap Logo ko Best Valuable Content de paye.

Fresh Content Banaye :

Google Fresh Content ko Pasand karta hai , kyoki Google apne users ko sabse latest aur updated jankari dena chahta hai.

Agar Aap Fresh Content Banayege to Yah Aapko SEO me kafi help karega.

Iske liye aapko Site par Content Regularly Publish karna chahiye aur Hamesha New Information ke sath Content ko up-to-date rakhana chahiye.

Photos/ Image Optimization Kare :

Photo/ Images Search Engine me Aapke Content ki visibility ko badha Sakti hai.

Iske liye Aapko Apne Content/ Post ki images ko Optimize karna hoga.

Image ka Title Simple aur One ya two words me Rakhiye

Image ke Alt Text me Image ki Short Details jaroor dale, aur isme Keyword ka use kare.

Esa Title aur Alt tag na rakhe –
Title- IMG_41615_uwuwg_zczvv

Image Optimmization se Webpage Search Result ke sath Image Search Result se bhi Website ki visibility badhegi .

URL Optimization Kare:

Ek Simple aur Descriptive URL visitors ko content ke bare me batati hai.

Jese ki yoursite.com/Top-High-Quality-Article

Lekin agar koi URL jese ki {abc.com/article.=41716154115} hai, To is Tarah ki URL Search Engine aur Users dono ko Content ke bare me koi information nahi deti.

Search Engines Esi URL ko pasand nahi karte aur Search Result me Esi URL ko Show nahi karte hai.

Isliye URL Hamesha Topic se Relevant hona chahiye. Aur URL me keyword ka use hona chahiye.

Perfect Title Tag Rakhe :

Article ya post me Title Tag sabse Important hai.
Title Tag se hi Search engine ko pata chalata hai ki page ka Content Kis bare me hai.

Blog me Title Tag aapke Post ka Title hota hai. Jo H1 Heading me hota hai.

Title Accha aur informative hona chahiye jo content ke bare me bata sake.

Jyada Lamba Title nahi rakhna chahiye, kyoki Google apne Search Result me Jyada words hi show nahi karta hai.

Title Tag me kam se kam ek keyword ka use jaroor Hona Chahiye.

Lekin Title ko pura keywords se hi na bhar de Same keyword ko Repeat na kare .

Meta Description Dale :

Meta Description Tag ye batata hai ki Search Engine listing me aapka page kis Tarah Describe hona chahiye.

Meta Description se Search Result me user ko Content ki short Information milti hai ki content me kya kya hai.

aur Aagr Aapka Description accha hai to user dwara Result par Click karne ke Chance badh jate hai.

Description me apne content / post ke bare me Short Information keyword ke sath likhna chahiye.

Title aur Description ko acchi tarah Manage karna hai to WordPress Users ke Liye sabse accha tool hai Yoest SEO

Isase Aapko Aapka Content Optimize karne me Bahut Help milti hai.
Yah Title Tag ki length ke bare me , Description Tag me Kitne words hona chahiye aur Keyword density ke bare me batata hai. Iske alwa bhi yah bahut si process me help karta hai

Subheading H2 H3 H4 Ka Prayog Kare :

Apne Content me Subheading ka Upyog jaroor kare.

Subheading Ka use Content ko part me Describe karta hai ,Jisase Readers ke liye Pdhne me Aasan structure banta hai.

Subheading Me Focus keyword ke alawa dusre keyword ka use kar sakte hai.

Internal Linking Kare :

Agar Aapke site ke pages ek dusre se internally link hai to Search Engine ise Acchi practice manta hai.

Isase Users ke liye Relevant Content tak pahuchna aasan ho jata hai. Aur Aapki site par visitors jyada time spend karte hai.

Accha Site Architecture Banaye :

Crawling ke liye Aasan Structure

Vese to Google ke Spider aasani se Site me ek page se dusre page par pahuch kar Crawl karte hai.

lekin bahut baar kuch chize isme rukavat daal deti hai.

jese kbhi kbhi Javascript , flash link ko search engine ki pahuch se link ko hide kar dete hai.

Aur Bahut si sites ka navigation thik nahi hota.

Is Karan Bhi Search Engine content ko access nahi kar pate.

Apni site ka structure aasan hona chahiye taki Search engine sabhi content tak aasani se pahuch kr crawl kar sake.

Search Engine Sabhi Important Content ko crawl Kar sake, iske liye Search Console me Site ka Xml Sitemap submit karna Sabse accha tarika hai.

Yaha Janiye ki –

Xml Sitemap kaise submit karte hai.

Mobile Friendly site :

Aap jante hi hoge ki Sabse jyada Internet users Smartphone ke hai. Isliye Jaroori hai ki Mobile Phone Users ko bhi Site par aacha User experience mil sake .

agar aapki site mobile friendly nahi hai to Google Mobile Search me acche se rank nahi ho payegi. aapki site ki responsive web design hona chahiye.

SEO aur User experience ke liye Site ka Mobile Friendly hona jaroori hai .

Duplicate Content :

Agar Aapki Site par Duplicate Content Yani Repeat Content hai to ye SEO ke liye Thik nahi hai.

Duplicate Mtlb hai ki Aapki Site ke alag alag Pages par Same Content Maujud hai. Technically yah Duplicate content hota hai.

Jyada Percentage me Duplicate Content aapki Search Engine Ranking ko Prabhavit kar sakta hai. Search Engine ranking Improve karne ke liye Apni site se dublicate content kam kar dijiye Aur Unique Content banane ki koshish kijiye.

Apni Site ke Duplicate content yaha Check kar sakte hai.

Site Speed :

Slow speed sabhi user ka experience kharab karti hai.

Aapne bhi Kabhi internet par ye Experience kiya hoga ki aap koi Site khol rahe hai aur Vo Bahut Deri Se Load Ho rahi hai.

Ese Cases me bahut se users Site ko full load hone se pahle hi Back kar dete hai aur Isase Bounce Rate Tezi se Badh Jata hai.

Google bhi chahata hai ki users ko Hamesha Fast web result mile.

Google Search Result me Site ki ranking position down kar deta hai jo Jyada Slow Load hoti hai

Is tarah Speed wali site ko slow site ke mukable Ranking me jyada fayda milta hai. Isliye Aapki site ki speed bhi SEO ka ek factor hai.

Aap Apni Site ki Speed yaha par Check Kar sakte hai.

Https/ Secure site :

Aajkal Internet par Users ki Privacy aur Security par Kafi Dhyaan Diya Ja raha hai.

Google Chrome bhi kai baar users ko Notifications deta hai, jisme Warning di hoti hai ki website me personal credit ,debit card information na submit kare.

Seo Experts ke anusar Security bhi Seo Ranking me faydemand mani Jati hai.

Yani Agar Aapki Site HTTPS server par hai to Aapke webpage ko Search Engine Result Page me Thoda boost mil sakta hai.

Ab janege,

Off Page SEO 

Backlinks :

Backlinks Off-Page SEO me sabse bada factor hai.

Backlinks banane ka matlb hai Aapki site ko Internet par Other Sites se link karana . Backlink se Search Engine ko pata lagta hai ki internet par kitni site aapki site ke content ko recommend karti hai .

Backlink bananae me Aapko kuch Baate Dhayaan me jaroor rakhna Chahiye.

Agar aapki site ko kisi Badi ya Popular site se baclink mila hai to ye search engine ke liye accha signal hai. Quality Backlinks Aapki Site ko Search Engine Result me boost de sakte hai.

Backlink me link ki Quality hi sab kuch hai .

Bahut se Log Keval Backlink ki Quantity badhane par jyada jor dete hai, chahe unhe kesi bhi Backlink ho.

Lekin link ki Quality Link ki Quantity se jyada matter karti hai.

Agar Link low Quality aur Spam Site se hai to Search Engine Links ki Quantity ko undekha kar dete hai , Aur Site ko  penalize kar dete hai, jisase Search Engine me ranking gir jati hai.

Social Media par Sharing :

Social Media par presense aur popularity Off-page SEO ki Ek badi Technique hai.

Social Media par Log aapke content tak pahuch sakte hai, Aapka Content Social Media par Kitna Share ho raha hai, Kon Kon Share kar rahe hai , ye sab bhi Search Engine Ranking me metter karta hai. Ise Google Ek bade Ranking signal ke roop me leta hai.

Isliye Aapko Social Media Plateform par logo ko apne Site se jodna chahiye.

Social Media Optimization isme aapki madat krta hai.

Trust / Bharosa
Google Search me Top Ranking ke liye Trust ka importance hota hai. Google pata lagata hai ki Site Kitni Trusted yani Bharosemand hai .

Trust me Pagerank , Trustrank Shamil Hote hai . jisase Google Trust Measure Karta hai.

Trust Kese Badha sakte hai?

Agar aapki site logo ke bich popular Hoti hai to ye google ka trust badha sakti hai. Logo ki Comment ka answer dijiye, isase logo ke bich Blog ki Popularity aur Trust Badhta hai.

Aapki site ko populer Site ya blog se link milti hai to isase bhi search engine ka trust banta hai.

Domain Age bhi SEO me thoda matter karti hai . Agar aapka Domain Lambe samay se Active hai to yah Search Engine ka Trust badhata hai. Agar aane Domain  Lambe samay le liye Register kiya hai to Ye bhi Search Engine ka trust badhata hai.

Aur Ab Akhir me ,

Apni Site ki Search Engine Performance Measure kar SEO improve kare

Google Analytics : Yah Google ka ek Free tool hai, jisase Site ki Real Time Traffic Report Milti hai.

Isase Active users, Organic Traffic, Referring sites, Top Keywords aur bhi bahut si reports ka pata chalta hai. Jise samaz kar SEO Strategies ko improve kar sakte hai.

Google Search Console : Apne SEO Efforts ko Analysis karne aur Improve karne ke liye Ye Tool bhi bahut important hai.

Isase google search result me webpage ki positions, clicks ,Queries, Crawl index status ka pata chalta hai, jiski madat se sites aur content me changes karke SEO ko improve kiya ja sakta hai.

Conclusion

Ye Thi Kuch Basic SEO Steps, Ummid hai ki aapko isase SEO ke bare me thoda bahut knowledge jaroor mila hoga. SEO ke aur bhi Terms aur Fundamentales hai, Jinhe isi Article me hi explain nahi kiya ja sakta. Unhe Hum SEOhindi ke aane wale articles me Batayege. 

SEO se Releted Updates ke liye humse Facebook par judiye – 

Related posts:

Spread the love

Leave a Reply